Ду сокини ноҳияи Спитамен бо гумони ғорат намудани як омӯзгори маҳаллӣ боздошт шуданд. Тавре аз Маркази матбуоти РВКДҶТ дар вилояти Суғд ба мо хабар доданд, ин ҷиноят ҳанӯз охирҳои моҳи ноябр ба қайд гирифта шуда буд.
Шабона дар ҳудуди шаҳраки Нов ашхоси номаълум ба сокини 52-солаи ноҳияи Ҷаббор Расулов ҳамла мекунанд ва 2 ҳазор сомонии ӯро гирифта, аз ҷойи ҳодиса ғайб мезананд. Зимни гузаронидани чорабиниҳои оперативӣ – ҷустуҷӯйӣ, дар содир намудани ин ҷиноят ду нафар гумонбар дастгир гаштаанд. Инҳо ҷавонони 19 ва 21 сола, сокинони ноҳияи Спитамен мебошанд. Аз рӯи ин ҳодиса парвандаи ҷиноӣ кушода шуда, тафтишот идома дорад.
Нет комментариев