Бо дастгирии бевоситаи Раиси вилояти Суғд Абдураҳмон Қодирӣ донишҷӯи Донишгоҳи давлатии ҳуқуқ, бизнес ва сиёсати Тоҷикистон Чемпиони Тоҷикистон оид ба брекданс Саидакмал Саидзода ба Чемпионати ҷаҳон оид ба брекданс ба шаҳри Прагаи Чехия равон гашт.
Сафари ӯ бо дастгирии молиявии Мақомоти иҷроияи ҳокимияти давлатии вилояти Суғд сурат пазируфт, ки Саидакмал Саидзода пеш аз сафар миннатдории худро ба Раиси вилояти Суғд Абдураҳмон Қодирӣ иброз дошт. Қаблан Саидакмал Саидзода дар мусобиқаҳои байналхалқӣ оид ба брекданс дар шаҳрҳои Варшаваи Лаҳистон, Мински Белоруссия, Остонаи Қазоқистон ширкат варзидааст ва соли 2016 Чемпиони Тоҷикистон дар ин намуди варзиш гардида буд.
Нет комментариев