Дар Тоҷикистон навъи варзиши шиновариро ба сатҳи сифатан нав бароварданианд. Ё бо ин мақсад сар аз моҳи декабри соли ҷорӣ Федератсияи миллӣ оид ба шиноварӣ татбиқи лоиҳаи рушди ин риштаи варзишро шурӯъ намуд. Лоиҳаи мазкур бо дастгирии Кумитаи байналмилалии Олимпӣ ва як қатор ширкатҳо амалӣ шуда, дар доираи он курсҳои такмили ихтисоси мураббиён ва варзишгарони соҳа ба нақша гирифта шудааст. Даври аввали баргузории чунин курсҳо оғоз гардид. Дар он баҳри бозомӯзии мураббиён коршиноси байналмилалӣ аз Украина Валерий Нагиевич даъват шудааст. Ин коршинос тайи чанд рӯз ба 15 нафар мураббӣ ҳам ба таври назариявӣ ва ҳам амалӣ усулҳои муосири ин соҳаро меомӯзонад. Гуфта мешавад, лоиҳаи мазкур то моҳи марти соли 2015 амалӣ гардида, дар натиҷаи он стратегияи рушди варзиши шиновариро таҳия мекунанд. Он бошад, барои ҷалби сармоягузорон ва баровардани ин соҳа ба сатҳи сифатан нав кумак хоҳад кард.
Дар ин бора jahonnamo.tj хабар медиҳад.
Нет комментариев