Дар минтақаи Урмонтоли Ҷамоати деҳоти Ифтихори ноҳияи Ашт маросими оғози кишти чигит бо иштироки роҳбарон ва масъулини дахлдор доир карда шуд. Дар ин хусус ба АМИТ «Ховар» дар хадамоти матбуоти ноҳия хабар доданд.
Дар оғози кишти пунбадона пирони кор барои фаровон гардидани ҳосил ва тинҷиву оромии мамлакат дуои хайр карданд.
Роҳбари ноҳия ба кишоварзон дастур дод, ки зимни кишти чигит тамоми қоидаҳои агротехникиро риоя намоянд.
Дар назар аст, ки рӯзҳои наздик дар дигар хоҷагиҳои деҳқонии ноҳия низ кишти пунбадона оғоз гардад.
Манбаъ: АМИТ «Ховар»
Нет комментариев