Санаи 20 феврали соли равон дар саҳни ҳавлии Театри мазҳака ва мусиқии ба номи Камоли Хуҷандии маркази вилоят ярмарка-фурӯши ниҳолҳо, кӯчату тухмии гулҳо ва дигар зироатҳои кишоварзӣ гузаронида шуд.
 |
 |
Ярмарка-фурӯши ниҳолҳо бо мақсади муташаккилона гузаронидани маъракаи кабудизоркунӣ ва ободонии соли 2016 дар шаҳру ноҳияҳо ва расонидани ёрии амалӣ ба хоҷагиҳои кишоварзӣ, аҳолии вилоят ва ташкилоту идораҳо дар корҳои ободонӣ, кабудизоркунӣ ва бунёд боғу токзорҳои нав баргузор гардид.
Дар ярмаркаи мазкур шаҳру ноҳияҳои вилоят ва ташкилоту идораҳои соҳаи кишоварзӣ беҳтарин навъи ниҳолу тухмиҳоро пешниҳоди ниҳолпарварону сокинон намуд.
 |
 |
Раиси вилояти Суғд Абдураҳмон Қодирӣ бо ҷараёни баргузории ярмарка-фурӯши ниҳолҳо, кӯчату тухмии гулҳо ва дигар зироатҳои кишоварзӣ шинос гардида, аз растаҳои гуногуни ниҳолу гулҳо дидан намуд.
Дар ин бора аз Хадамоти матбуоти Раиси вилояти Суғд хабар доданд.
Нет комментариев