Қарори навбатии Раиси вилояти Суғд аз 2 октябри соли 2017, №478 “Дар бораи тасдиқи Барномаи маҳаллии маҷмӯии рушди тарбияи ҷисмонӣ ва варзиш дар вилояти Суғд барои солҳои 2017-2021” ба тасвиб расид. Тибқи қарори мазкур Барномаи маҳаллии маҷмӯии рушди тарбияи ҷисмонӣ ва варзиш дар вилоят барои солҳои 2017-2021 ва Нақшаи чорабиниҳои амалисозии он тасдиқ карда шуда, Раёсати кор бо ҷавонон ва варзиши вилоят ҳамоҳангсози амалигардонии барномаи мазкур муқаррар карда шудааст. Ҳадаф аз қабули барнома рушди тарбияи ҷисмонӣ ва варзиш, оммавигардонии варзиш, таъмини самаранокии машғулиятҳои ҷисмонии аҳолӣ ва бо ин васила пайдо намудани наврасону ҷавонони болаёқат барои расидан ба натиҷаҳои баланди варзишӣ дар сатҳи мусобиқаҳои ҷумҳуриявӣ ва байналмилалӣ мебошад.
Манбаъ: сомонаи расмии МИҲД-и вилояти Суғд
Нет комментариев