Дар интиҳои моҳи марти соли равон дар шаҳри Тошканди Ҷумҳурии Ӯзбекистон озмуни байналмилалии ансамбл ва оркестрҳои бисёровоза бо номи “Наврӯз садолари” баргузор гардид.
Дар озмун ансамбли созҳои миллии Мактаби санъати ба номи Лоиқ Шералии шаҳри Хуҷанд ширкат намуд.
Хонандагон давоми як моҳ бо роҳбарии омӯзгори ҷавон Дилшод Ҳамроқулов мувофиқи талаботи низомномаи озмун омодагӣ гирифтанд. Ҳайати ансамбл аз омӯзгорон Замира Ҷӯраева чун роҳбари ансамбл, Дилшод Ҳамроқулов бо дутор-бас ва шогирдони онҳо Муҳаммадҷон Иброҳимов бо сози дойра, Муҳаммадзоҳир Муҳаммадҷонов бо сози най ва Исмоилҷон Азизов бо сози дутор иборат буданд.
Санаи 25-уми марти соли равон иштирокчиёни озмун дар толори Консерваторияи миллии Ӯзбекистон иштирок намуда, ансамбли созҳои миллии Мактаби санъати ба номи Лоиқ Шералӣ сазовори ҷои дуюм гардид.
Манбаъ: http://www.khujand.tj/
Нет комментариев