Албатта, кадбонуҳои мӯҳтарам интизор ҳастанд, ки тарзи тайёр кардани кадом таомро баҳрашон бозгӯ месозем. Ҳоло ман ба шумо тарзи тайёр кардани шӯрбои «Солянка» — ро гуфта мегузарам. Метавонед чунин намуди шӯрборо аз маслиҳатҳои мо истифода карда дар хона омода намоед.
Барои пухтани солянка чунин маҳсулот лозим аст:
250г гӯшти устухондор, 2 – 3 дона ҳасибча, 2 – 3 дона гурдаи гӯсфанд ё гов, як дона пиёз, 2 дона бодиринги намакхӯрда, меваи зайтун – 2 – 5 дона, ду қошуқи калон қайлаи помидор, як қошук равғани маска, аз 5 як ҳиссаи лиму ва инчунин барги ғор, мурч, кабудӣ мувофиқи табъ метавонед илова намоед.
Тарзи тайёр сохтани шӯрбои «Солянка» чунин аст: Пиёзро тунук реза карда, дар равғани маска бирён кунед, каме қайлаи помидорро андохта боз 5-8 дақиқа бирён кунед.
Сипас ба булёни ҷӯшидаистода пиёзу бодиринг, 2-5 дона меваи зайтун, ва гӯшту хушбӯиҳоро андохта 5-10 дақиқа ҷӯшонед. Дар охир ба хӯрок намак ва сметана ҳамроҳ карданро фаромӯш насозед.
Таоми мо омода гардид, ба Шумо иштиҳои томро таманно дорем.
Ҳамеша дастархонатон пур аз нозу неъмат бошад.
Нет комментариев