Ба муносибати ҷашни 70-умин солгарди Ғалабаи мардуми шӯравӣ дар Ҷанги Бузурги Ватанӣ дар Тоҷикистон гузашти низомӣ доир мегардад. Дар ин бора ба «Азия-Плюс» як манбаъ аз Вазорати мудофиаи ҷумҳурӣ хабар дод.
Бино ба иттилои манбаъ, гузашти низомӣ нимаи аввали рӯзи 9 май дар Боғи Ғалабаи пойтхт доир мегардад.
«Шумори дақиқи иштирокчиёни гузашт ва ҳамчунин номгӯи сохторҳои қудратӣ, ки барои баргузории ин чорабинӣ сафарбар мешаванд, пагоҳ маълум хоҳад шуд», — гуфт сарчашмаи хабар.
Зимнан зикр гардид, ки дар маросими гузашти низомӣ раҳбарияти кишвар, роҳбарони сохторҳои қудратии ҷумҳурӣ, собиқадорони Ҷанги Бузурги Ватанаӣ, волидони сарбозону афсарон иштирок хоҳанд кард.
Дар ин бора news.tj хабар медиҳад.
Нет комментариев