Паҳлавонони ҷавони тоҷик дар Мусобиқаи анъанавии Ҷоми Осиё оид ба дзюдо, ки санаҳои 1-2 декабр дар шаҳри Гонконг баргузор мешавад, иштирок мекунанд.
Тавре аз Федератсияи дзюдои Тоҷикистон хабар доданд, дар мусобиқаи мазкур иштироки 232 нафар варзишгарон (135 мард, 97 зан) аз 29 давлати дунё дар назар аст. Аз ҷумҳурии мо дар ин мусобиқа ду варзишгар – Сомон Маҳмадбеков ва Хайёмиддин Ҷабборов дар вазни -73кг иштирок мекунанд.
Ёдовар мешавем, ки 1 декабр қувваозмоиҳо аз рӯи категорияҳои вазнии -48 кг, -52 кг, -57 кг, -63 миёни бонувон, -60 кг, -66 кг, -73 кг миёни мардҳо сурат мегиранд.
Дар рӯзи дуюм қувваозмоиҳои варзишгарони вазни -70 кг, -78 кг, +78 кг миёни бонувон, -81 кг, -90 кг, -100 кг, +100 кг миёни мардҳо баргузор мегардад.
Манбаъ: АМИТ «Ховар»
Нет комментариев