Вазири рушди иқтисод ва савдои Тоҷикистон Неъматулло Ҳикматуллозода бо сафири Ҷумҳурии Мардумии Чин дар Тоҷикистон Фан Сянжун мулоқот кард. Бино ба иттилои хадамоти матбуоти Вазорати рушди иқтисоди ҶТ, зимни вохурӣ ҷонибҳо иброз намуданд, ки ки дар оянда низ ҳамкории Вазорат бо ниҳодҳои иқтисодии Чин ривоҷ хоҳанд ёфт. Зимнан зикр мегардад, ки дар анҷоми вохӯрӣ ҷонибҳо атрофи масъалаҳои дигари мавриди таваҷҷуҳ табодули назар намуданд. Қобили зикр аст, ки айни замон Чин яке аз шарикони асосии тиҷоративу иқтисодии Тоҷикистон маҳсуб ёфта, ҳаҷми муомилоти молӣ миёни кишварҳо аз 32 млн. $-и соли 2003 дар соли 2013 қариб ба 1 млрд. $ (тибқи омори Тоҷикистон) ё беш аз 2 млрд. $ (тибқи омори Чин) расид.Ҳамчунин Чин тадриҷан ба сармоягузори асосии Тоҷикистон табдил меёбад. Тибқи асноди моҳи сентябри соли гузашта баимзорасида миёни кишварҳо дар Душанбе, давоми 3 соли оянда Чин ба иқтисоди Тоҷикистон 6 млрд. $ маблағгузорӣ мекунад. Дар ин бора news.tj хабар медиҳад.
Қурби расмии асъор барои имрӯз: 20.09.2019
Бонки миллии Тоҷикистон имрӯз қурби асъори хориҷиро нисбат ба сомонӣ (асъори миллии Тоҷикистон) чунин муқаррар кардааст: 1 доллари ИМА — 9.6899 сомонӣ; 1 евро – ...
Нет комментариев