Ҳимоятгари ӯзбекистонии дастаи “Ланс” Абдуқодир Ҳусанов расман бозигари дастаи “Манчестер Сити” шуд. Дар ин бора рӯзноманигор Фабритсио Романо хабар дод.
Абдуқодир дар ҳайати “Манчестер Сити” таҳти рақами 45 бозӣ мекунад. Бо ин рақам пештар Марио Балотелли дар ҳайати “Манчестер Сити” бозӣ мекард. Дастаи “Манчестер Сити” дар ин бора то ҳанӯз ягон изҳороти расмӣ надодааст.
Қаблан, хабар дода шуда буд, ки футболбози 20-сола бо дастаи “Манчестер Сити” то тобистони соли 2029 бо имкони тамдиди он барои як мавсими дигар шартнома бастааст. Арзиши трансфер 40 миллион евро арзёбӣ шуда буд.
Дар мавсими имсола Ҳусанов дар ҳайати дастаи “Ланс”-и Фаронса дар тамоми мусобиқаҳо 16 бозӣ анҷом дода, як партофти головар кардааст. Тибқи иттилои портали интернетии Transfermarkt, арзиши бозории футболбози 20-сола, 12 миллион евро аст.
Манбаъ: АМИТ Ховар
Нет комментариев