Аъзои дастаи мунтахаби бокси Тоҷикистон ҷамъомади таълимиву тамриниро дар шаҳри Душанбе анҷом дода, барои иштирок дар Чемпионати Осиё оид ба бокс ба шаҳри Тайиланд рафтанд. Дар ин хусус шореҳи варзиши АМИТ «Ховар» бо истинод ба Кумитаи кор бо ҷавонон ва варзиши назди Ҳукумати Ҷумҳурии Тоҷикистон хабар медиҳад.
Чемпионати Осиё оид ба бокс дар шаҳри Чиангмайи Тайиланд аз 28 ноябр то 12 декабр бо иштироки беҳтарин муштзанони қораи Осиё доир мегардад. Дар мусобиқа беш аз 200 муштзан (132 мард, 82 зан) аз 21 давлати Осиё рақобат менамоянд.
Муштзанҳои тоҷик дар ин мусобиқа дар 9 вазн зери роҳнамоии мураббиҳо Рустам Музаффаров, Муҳаммадҷон Тошохунов ва Алӣ Бобоҷонов иштирок мекунанд.
Дар ҳайати дастаи мунтахаби бокси Тоҷикистон дар ин мусобиқа байни мардон Меҳрон Шафиев дар вазни 48 кг, Хусравхон Раҳимов дар вазни 57 кг, Акмал Убайдов дар вазни 60 кг, Шуҳрат Саломатов дар вазни 67 кг, Шаҳобҷон Шукуров дар вазни 71 кг, Абдумалик Болтаев дар вазни 80 кг, Аҳмадҷон Саидов дар вазни 86 кг, Парвиз Каримов дар вазни 92 кг ва байни духтарон Миҷгона Самадова дар вазни 57 кг рақобат менамоянд.
Манбаъ: АМИТ Ховар
Нет комментариев