Дастаи мунтахаби Тоҷикистон оид ба футбол барои иштирок дар мусобиқаи байналмилалии «King’s Cup», ки аз 11 то 14 октябр баргузор мешавад, вориди шаҳри Сонгкхлаи Тайиланд шуд, хабар медиҳад АМИТ «Ховар» бо истинод ба Федератсияи футболи Тоҷикистон.
Дар даври нимниҳоии мусобиқа дастаи мунтахаби Тоҷикистон 11 октябр бо тими миллии Сурия бозӣ мекунад. Дар бозии дигари нимниҳоӣ дастаҳои мунтахаби Тайиланд ва Филиппин бо ҳам вомехӯранд.
Ғолибони даври нимниҳоӣ дар финал ва мағлубшудагон дар рақобат барои ҷойи сеюм мубориза мебаранд. Бозиҳои ниҳоии мусобиқа 14 октябр доир мешаванд.
Манбаъ: АМИТ Ховар
Нет комментариев