9 сентябри соли 2018 дар қаламрави вилоят 27-солагии Истиқлолияти давлатии Ҷумҳурии Тоҷикистон ҷашн гирифта мешавад.
Дар ин бора қарори Раиси вилояти Суғд аз 9 августи соли 2018, №338 ба тасвиб расид. Тибқи қарори мазкур ҳайати кумитаи тадорукот ва нақшаи чорабиниҳо оид ба таҷлили 27-солагии Истиқлолияти давлатӣ тасдиқ карда шудааст.
Дар асоси нақшаи тасдиқгардида гузаронидани конфронсҳои илмӣ-амалӣ, маҷлисҳои тантанавӣ, сайругашти оммавӣ, барномаҳои фарҳангӣ, консерту намоишҳои ҳунарию эҷодӣ, шанбегии оммавии вилоятӣ, мусобиқа ва озмунҳои гуногун, намоиши китоб, намоиши ҳунарҳои мардумӣ, ташкили ярмарка-фурӯши маҳсулоти кишоварзӣ, аёдати собиқадорони ҷангу меҳнат, маъюбон, ятимон ва оилаҳои камбизоат ва дигар чорабиниҳо ба назар гирифта шудааст.
Манбаъ: Хадамоти матбуоти Раиси вилояти Суғд
Нет комментариев