Рӯзи якшанбе, 17-уми декабр бозии даври 16-уми Лигаи 1-и фаронсавӣ доир шуд, ки тимҳои «Лилл» ва «Пари Сен-Жермен»-ро дар варзишгоҳи «Пйер-Моруа» дар Вилнёв-д’Аск ба ҳам овард ва бозӣ бо натиҷаи 1:1 хотима ёфт.
Голи нахусти рақобат дар дақиқаи 66-ум аз ҷониби футболбозони «ПСЖ» тариқи пеналтӣ ба самар расонида шуд. Муаллифи гол ҳамлавари 24-сола Килиан Мбаппе гардид. Ин 180-умин голи футболбоз дар чемпионати Фаронса буда, акнун бозигар дар зинаи панҷуми беҳтарин нишонзанони таърихи чемпионати фаронсавӣ мебошад. Мбаппе аз Карлос Бянчи пеш гузашт, нафаре, ки 179 гол дорад.
Ҳадафи навбатии Килиан — навкунии рекорди Флёри Ди Налло мебошад, ки ӯ 187 гол дорад. Беҳтарин нишонзан дар таърихи Лигаи 1 Делё Оннис аст, ки муаллифи 299 гол аст.
Манбаъ: Варзиш-ТВ
Нет комментариев