5 декабр Сафири Ҷумҳурии Тоҷикистон дар Ҷумҳурии Узбекистон Абдуҷаббор Раҳмонзода дар мулоқоти сафирони давлатҳои Осиёи Марказӣ, Гурҷистон ва Украина бо вазири корҳои хориҷии Узбекистон Бахтиёр Саидов иштирок намуд. Дар ин хусус АМИТ «Ховар» бо истинод ба Вазорати корҳои хориҷии Ҷумҳурии Тоҷикистон хабар медиҳад.
Зимни мулоқот дурнамои ҳамкории гуногунҷанбаи давлатҳои Осиёи Марказӣ ва Гурҷистону Украина бо Узбекистон дар заминаи дуҷониба ва бисёрҷониба мавриди баррасӣ қарор гирифт.
Вазири корҳои хориҷии Узбекистон муносибатҳои дуҷонибаро бо Ҷумҳурии Тоҷикистон мусбат арзёбӣ намуда, саҳм ва нақши сарони ду давлатро дар рушди муносибатҳои дӯстона байни Ҷумҳурии Тоҷикистон ва Ҷумҳурии Узбекистон таъкид намуд.
Ҷонибҳо омодагии худро барои таҳкими ҳамкорӣ дар бахшҳои тиҷоративу иқтисодӣ, фарҳангӣ-гуманитарӣ ва сайёҳии байни давлатҳо тасдиқ намуданд.
Манбаъ: АМИТ «Ховар»
Нет комментариев