Ба шуъбаи ВКД дар шаҳри Конибодом марди 33-солаи сокини шаҳри мазкур дар он хусус муроҷиат намудааст, ки ёрдамчии сардори зершуъбаи сафарбарии Комиссариати ҳарбии ш.Конибодом, марди 23-солаи сокини шаҳри Душанбе, барои омода кардани билети ҳарбӣ ва озод намудан аз уҳдадории ҳарбӣ аз шиносаш-марди 26-солаи сокини шаҳри мазкур 1000 доллари амрикоӣ ба сифати пора талаб кардааст.
3 апрели соли равон, тахминан соати 21:30 дар натиҷаи гузаронидани тадбирҳои фаврӣ-ҷустуҷӯӣ аз ҷониби кормандони милитсия дар ошхонаи «Меҳрангез»-и шаҳри мазкур баъди гирифтани 1000 доллари амрикоӣ номбурда бо гумони гирифтани пора дастгир гардид. Далели шайъӣ- 1000 доллари амрикоӣ гирифта шуд.
Манбаъ: Сомонаи расмии ВКД Ҷумҳурии Тоҷикистон
Нет комментариев