Ноҳияи Кӯҳистони Мастчоҳ бо гусели ҷавонон ба хизмати ҳарбӣ нахустин шуда нақшаи даъвати баҳориро иҷро намуд.
Тавре сомонаи расмии мақомоти иҷроияи ҳокимияти давлатии ноҳия иттилоъ медиҳад, санаи 2-юми апрел дар ноҳия маросими гусели ҷавонон ба хизмати ҳарбӣ доир шуд. Раиси ноҳияи Кӯҳистони Мастчоҳ Муҳаммадҷобир Раҷабзода зимни суханронӣ дар ҳузури даъватшавандагон ва фаъолони ноҳия хизмати ҳарбиро мактаби ҷасорату мардонагӣ унвон карда, зикр намуд, ки хизмат дар сафи Қувваҳои Мусаллаҳи Ҷумҳурии Тоҷикистон боиси ифтихор ва нишони садоқату эҳтиром ба давлат буда, барои тарбияи сиёсию ватанпарастии ҳар як фарди ватандӯст нақши босазо мегузорад.
Баъдан раиси ноҳия аз падару модароне, ки фарзандонашонро дар руҳияи ватанпарастиву меҳандӯстӣ тарбият намуда, ба хизмати ҳарбӣ фиристодаанд, изҳори ташаккур намуд.
Қобили зикр аст, ки даъвати баҳории ҷавонон ба сафи Қувваҳои Мусаллаҳи мамлакат дар асоси Фармони Президенти Ҷумҳурии Тоҷикистон давоми моҳҳои апрел-майи соли равон сурат мегирад.
Манбаъ: Хадамоти матбуоти Раиси вилояти Суғд
Нет комментариев