Тими мунтахаби Перу дар майдонаш дастаи Зеландияи Навро пешвоз гирифт. Вохӯрӣ байни тимҳо дар варзишгоҳи “Насонал”-и шаҳри Лимаи Перу сурат гирифта, бо ҳисоби 2:0 ба фоидаи мизбонон хотима ёфт. Голҳои ғолибонро Ҷефферсон Фарфан (28 дақиқа) ва Кристиан Рамос (65 дақиқа) ба самар расонида мунтахаби хешро ба Мундиал-2018 бурданд. Ёдовар мешавем, ки бозии аввал байни тимҳо бо ҳисоби мусовии 0:0 хотима ёфта буд. Ба Ҷоми ҷаҳон-2018 мунтахабҳои зерин роҳхат гирифтанд: Россия, Белгия, Олмон, Англия, Испания, Полша, Исландия, Сербия, Фаронса, Португалия, Швейтсария, Шветсия, Хорватия, Бразилия, Уругвай, Колумбия, Аргентина, Мексика, Коста-Рика, Панама, Эрон, Ҷопон, Кореяи Ҷанубӣ, Арабистони Саудӣ, Нигерия, Миср, Марокаш, Тунис, Сенегал ва Перу.
Манбаъ: сомонаи расмии АМИТ «Ховар»
Нет комментариев