Бошгоҳи футболи “Истиқлол”-и шаҳри Душанбе дар даври 19-уми Чемпионати Тоҷикистон бо дастаи “Панҷшер”-и Ҷалолиддини Балхӣ дидор анҷом дод. Вохӯрӣ байни тимҳо дар варзишгоҳи шаҳри Ҳисор баргузор шуда бо ҳисоби калони 5:0 ба нафъи бозингарони «Истиқлол» хотима ёфт. Новобаста аз натиҷаи панҷ бозии боқимондаи мавсими имсолаи футбол дастаи “Истиқлол” ба дарёфти мақоми аввали медалҳои тиллои Чемпионати 26-уми Лигаи олии кишвар шарафёб шуд. Ин панҷумин ғалабаи пай дар пайи “Истиқлол”-и Душанбе дар Чемпионати Тоҷикистон ба шумор меравад. Қаблан бошгоҳи “Истиқлол” дар мавсимҳои 2010, 2011, 2014, 2015 ва 2016 қаҳрамони Тоҷикистон гардида буд.
Манбаъ: сомонаи расмии телевизиони «Варзиш»
Нет комментариев