Дар доираи омодагиҳо ба бозиҳои интихобии мусобиқоти қаҳрамонии Осиё-2018 мунтахаби Тоҷикистон оид ба футзал таҳти роҳбарии сармураббӣ Ҳусейн Шодиев бар муқобили тими миллии АМА як дидори дӯстона баргузор кард. Вохӯрии дастаҳо дар варзишгоҳи «Ал-Шааб»-и шаҳри Шарҷа сурат гирифта, бо ҳисоби 4:2 ба суди футзалбозони тоҷик ба поён расид. Аз ҳайати мунтахаби мо Файзалӣ Сардоров дубл анҷом дод. Инчунин як голии дигарро Дилшод Саломов ва Шавқат Ҳалимов марбути номи худ намуданд. Хотиррасон мекунем, ки бозиҳои интихобии Чемпионати Осиё-2018 оид ба футзал, ки баргузориаш дар шаҳри Табрези Ҷумҳурии Исломии Эрон дар назар аст, мунтахаби футзали Тоҷикистон бо тими миллии Афғонистон 16-уми октябр ва бо мунтахаби Эрон 17-уми октябр андари майдони рақобат мешавад.
Манбаъ: сомонаи телевизиони «Варзиш»
Нет комментариев