Чанд лаҳза қабл, аниқтараш соати 09:47 дақиқа бо вақти маҳаллӣ дар шаҳри Хуҷанд заминларза ба амал омад.
Аз рӯи баъзе мушоҳидаҳо қувваи он аз рӯи ҷадвали Рихтер тахминан 4-5 баллро ташкил дод.
Дар ин бора ба таври иловагӣ иттилоъ хоҳем дод.
Иттилои охирин аз Агентии миллии иттилоотии Тоҷикистон «Ховар»:
Мувофиқи маълумоти Маркази зилзиласанҷии Тоҷикистон, имрўз дар қаламрави Ҷумҳурии Тоҷикистон дар як дақиқа ду маротиба заминларза ба қайд гирифта шуд. Маркази заминларза дар километри 265-уми шимолу шарқӣ аз шаҳри Душанбе дар сарҳади Тоҷикистону Қирғизистон ба қайд гирифта шуд. Дар ҳолати аввал заминҷунбӣ 4-5 балл ва дар ҳолати дуюм 6 баллро ташкил дод.
Дар шаҳри Душанбе қувваи он ба 3 балл баробар буд.
Тибқи иттилои сомонаи Sputnik дар ҳудуди ҷумҳуриҳои Тоҷикистон, Ӯзбекистон ва Қирғизистон заминларзаи шадид рух дод.
Гуфта мешавад, ки дар Тошканд ва Фарғонаи Ӯзбекистон низ замин ларзидааст.
Нет комментариев