Бо таваҷҷӯҳи Ҳукумати Тоҷикистон, бунёди иншооти таълимӣ ва фароҳам овардани шароити донишомӯзӣ, соҳаи маориф ба дастовардхои нав ба нав ноил мегардад.
Дар доираи ин дастгирихо дар шаҳри Хуҷанд бунёди муассисаи нави таълимӣ бо фарогирии 1300 нафар хонандагон идома дошта, барои таъмиру ба шароити замон мутобиқ намудани кӯдакистонҳои шаҳр низ тадбирҳо андешида мешаванд.
Бунёди мактаби наву замонавии сеошёна дар микроноҳияи 8-уми шаҳри Хуҷанд аз чумлаи иқдомҳоест, ки имрӯз корҳои сохтмонӣ дар он вусъат дорад. Аз рӯи лоиҳа мактаби нав аз 4 бинои асосӣ иборат буда, бо дарназаргирии шароити таълиму тарбия, варзишгоҳ, ошхона ба хонандагону омӯзгорон шароити кору дарсомӯзӣ муҳайё карда мешавад.
Бо ин мақсад аз ҳисоби Мақомоти иҷроияи ҳокимияти давлатии шаҳри Хуҷанд 13 миллион сомонӣ пешбинӣ гаштааст. Мактаби нав дар маҳаллаи мазкур бо дарназаргирии талаботи ин маҳалла — зиёд шудани хонандагон бунёд карда шуда, он имкон медиҳад, ки дар соли нави хониш то 1300 нафар толибилмон дар ду баст таҳсил намоянд. Ба гуфти омӯзгорон муҳайё будани шароити таълиму тарбия, майлу рағбати хонандагон ба илмомӯзӣ ва соҳибкасб шудани онҳоро зиёд менамояд.
Манбаъ: http://www.khujand.tj/
Нет комментариев