Дар ростои иҷро шудани барномаи авфи муҳоҷирони тоҷикистонӣ дар Русия, полиси Маскав ҷарима кардани шаҳрвандонеро, ки қонуни муҳоҷиратро нақз кардаанд, манъ кардааст.
Кормандони полиси Маскав маъмурият ёфтаанд, ки шаҳрвандони Тоҷикистонро, ки қонуни муҳоҷиратро нақз кардаанд, муваққатан ҷарима накунанд. Бино ба гузоришҳои Life.ru ин маъмурият дар чорчӯби барномаи авфи муҳоҷирон сурат мегирад, ки аз 25-уми март то 24-уми апрел амалӣ мешавад. Бино ба фармони Раёсати умури дохилаи бахшҳои маъмурии Маскав, полис набояд муҳоҷиронеро, ки муқаррароти муҳоҷиратиро нақз кардаанд, ҷарима бандад. Ёдовар мешавем, ки дар паи сафари Президенти Федератсияи Русия Владимир Путин ба Ҷумҳурии Тоҷикистон ва музокирот бо Президенти кишвар Эмомалӣ Раҳмон, муқаррар шуд, ки аз 25-уми март то 24-уми апрел дар қаламрави Русия авфи муҳоҷирони тоҷикистонӣ баргузор шавад.
Манбаъ http://sputnik-tj.com/
Нет комментариев