Аз лаҳзаи нахустин зангзанӣ тариқи телефони мобилии Motorola аз ҷониби корманди ширкат Мартин Купер 44 сол пур шуд.
Мартин Купер дар соли 1973-юм аввалин дастгоҳи мобилиро баровард, ки он Motorola DynaTAC буд. Дастгоҳи ҳаҷман бузург, ки 1 килограмму 15 грамм вазн дошт, дарозии он 22 сантиметрро ташкил медод. Он дорои 10 тугмаҳои рақамӣ буд ва инчунин дар дастгоҳ боз ду тугма барои занг задан ва хомӯш кардани он мавҷуд буд. Он замон дастгоҳи мобилии Motorola DynaTAC ҳатто дисплей ҳам надошт. Тариқи DynaTAC танҳо занг задан мумкин буду халос.
Дар реҷаи гуфтугӯ кардан телефон ҳамагӣ ним соат кор мекарду бас ва ҷараёни аз барқ нерӯгириаш хеле вақти дуру дарозро мегирифт, яъне 10 соат.
Далели аҷиб
Тақрибан санаи 3-юми апрели соли 1973-юм Мартин тавассути телефони DynaTAC ба корманди ширкати рақиб AT&T, ба Ҷоэл Энгел занг задааст. Ҳамон вақт байни худ онҳо дар бораи чӣ сӯҳбат карда буданд, ба касе маълум нест. Вале маҳз ҳамин санаи 3-юми апрелро рӯзи нахустин зангзанӣ тариқи телефони мобилӣ дар ҷахон мехисобанд.
Акси Мартин Купер бо аввалин телефони Motorola DynaTac ва инчунин дигар телефонҳои тугмачадор, ки дар таърих мондаанд, дар ин сурат аст:
Нет комментариев