Дар моҳи октябри соли равон Internews барои мутахассисони медиа аввалин силсилаи вебинарро гузаронд. Давоми ин моҳ журналистон, муҳаррирон, ородиҳандагон (дизайнерон) дар вебинари онлайнӣ иштирок, вазифаҳои хонагиро иҷро ва хатоҳои худро ислоҳ намуданд.
Аз 82 нафар довталабон барои гирифтани сертификати Internews 22 нафар иштирокчиён ҳамаи машғулиятро бомуваффақият гузаштанд. Дар байни ғолибон ду нафар кормандони Медиапортали “Тироз” – Султонҷон Усмонов ва Ҷонибек Қодиров низ ҳастанд, ки боиси ифтихори моянд. Аз тамоми медиаҳои қаламрави Тоҷикистон танҳо ҳардуи онҳо ғолибиятро ба даст оварданд.
Лоиҳа ҳамагӣ 186 иштирокчиро аз ҷумҳуриҳои Қазоқистон, Қирғизистон, Тоҷикистон, Русия, Белорусия, Украина ва дигар кишварҳо ба ҳам овард. Ҳамагӣ 22 нафар ғолиби вебинар дониста шуданд. Бахусус, 14 нафар аз Қазоқистон, 6 нафар аз Қирғизистон ва 2 нафар аз Тоҷикистон.
Ҳамкоронамон С.Усмонов ва Ҷ.Қодировро бо ин ғолибияташон табрик менамоем!
Нет комментариев