Дар озмуни ҷумҳуриявии «Донишҷӯи беҳтарини сол-2016», ки санаҳои 20-22 октябри соли 2016 дар шаҳри Душанбе баргузор гардид, муҳассили соли чоруми факултети бизнес ва идоракунии Донишгоҳи давлатии ҳуқуқ, бизнес ва сиёсати Тоҷикистон Зарнигор Ҷӯраева дар байни 17 нафар иштирокдорон аз макотиби олии касбии кишвар соҳиби ҷои дуюм, Диплом ва тӯҳфаи хотиравӣ гардид. Дар ин бора аз ДДҲБСТ хабар доданд.
Лозим ба ёдоварист, ки озмуни мазкур вобаста ба се номинатсия — навиштани иншо дар мавзӯи «Ҷавонон пайрави Пешвои миллат ва муҳофизгари дастовардҳои Истиқлолият», худмуаррифӣ, тариқи технологияи муосир, суолу посух аз ҷониби ҳакамони озмун вобаста ба донишҳои ихтисосӣ, сиёсӣ, иқтисодӣ, таърихӣ, фарҳангӣ, забондонӣ ҷараён гирифт.
Дар аксари ин номинатсияҳо аълочии хониш, барандаи идрорпулии Раиси вилояти Суғд Зарнигор Ҷӯраева холҳои баландтаринро сазовор гардид.
Нет комментариев