Маълум шуд, ки намоишгоҳи ҷопонии CEATEC 2016 аз оинаҳои доно бой будааст. Дар фарқият аз Lenovo LaVie Smart Mirror, ки ба ғайр аз функтсияи муқаррарӣ доштанаш ҳамчун экран барои баровардани огоҳиномаҳо дар бораи боду ҳаво, ҷадвали хабару навигариҳо, ба оина ширкати Panasonic боз дастгоҳи нисбатан мураккаби тиббиро илова намуд.
Оина бо лентаҳои светодиодӣ ва камераҳо муҷаҳҳаз карда шуда, тобиши ранги рӯйро тавассути таҳлили намудор кардаи рӯшноӣ муайян мегардонад. Системаи амзкур аз принтере иборат аст, ки ниқоби ороишотии ранги рӯйи истифодабарандаро барои ислоҳ намудани номаҳвориҳову нуқсонҳои рӯй аз чоп мебарорад.
Умуман, раванди кор якбора суръат намегирад. Агар барои тайёрии рӯкашии ороишоти рӯй якчанд дақиқа лозим бошад, пас пеш аз вақти ба рӯй молидани он як рӯз лозим мешавад, то ки ниқоб хушк шавад ва барои молидан ба рӯй тайёр шуда, истифода бурдан аз он имконпазир гардад. Паз аз ин муддат, воситаи ороишотиро ба рӯй молидан мумкин аст, то ки фарқияти начандон калони тобиши ранги рӯй ноаён гардад.
Хуллас, технология ҳоло баҳри баромадан ба бозор, ба зиннаи мукаммали тайёрии худ нарасидааст. Шояд он боз ҳам мукаммал гардида, барои истифода дар соҳаи кинематография, муд, толорҳои ороишотӣ, марказҳои тиббӣ барои рӯй ва ба дигар соҳаҳо роҳ ёбад.
Нет комментариев