Аз миёни ноҳияҳои пахтакори вилояти Суғд аввалин шуда, аъзои Ҷамъияти саҳҳомии ба номи Саидхӯҷа Ӯрунхоҷаеви ноҳияи Бобоҷон Ғафуров ба ҷамъоварии пахта оғоз намуданд.
Дар Ҷамъияти саҳҳомии ба номи Саидхӯча Ӯрунхӯҷаев соли ҷорӣ дар масоҳати 1041гектар пахта кишт шудааст. Дар бригадаи иҷоравии рақами 38-и ҷамъият 60 нафар чинакчиён ҷалб гардидаанд ва ҳосилнокӣ мувофиқи пешбинӣ, аз як гектар 30 то 40 сентнериро нишон медиҳад.
Дар ноҳияи Бобоҷон Ғафуров соли равон аз ҳисоби зиёд кардани масоҳати кишт ва баланд бардоштани ҳосилнокӣ ҳаҷми истеҳсоли пахта мутобиқ ба пешбинӣ нисбат ба соли қаблӣ бояд 3 ҳазор тонна зиёд гардад. Майдони умумии кишти имсолаи пахта дар ноҳия 5720 гектарро ташкил медиҳад.
Нет комментариев