Сафири фавқулода ва мухтори Ҷумҳурии Тоҷикистон дар Ҷумҳурии Исломии Эрон Неъматулло Эмомзода Раиси Ширкати тавсеаи манобеи об ва неруи Эрон Сайид Муҳаммадризо Ризозодаро ба ҳузур пазируфт.
Дар рафти мулоқот масоили равобити дуҷониба, аз ҷумла ҳамкорӣ дар соҳаи обу барқ ва роҳҳои таҳкиму густариши минбаъдаи он мавриди баррасӣ қарор гирифтанд.
Зимнан, ҷониби эронӣ дар ростои иҷрои Протоколи нишасти даҳуми Комиссияи муштараки ҳамкории тиҷоратӣ, иқтисодӣ, техникӣ ва фарҳангии Ҷумҳурии Тоҷикистон ва Ҷумҳурии Исломии Эрон омодагии худро ҷиҳати ташкил ва баргузор намудани давраи омӯзишӣ барои мудирон ва коршиносони тоҷик дар соҳаи обу барқ эълом дошт.
Қарор шуд, мавзӯъ мавриди пайгирӣ қарор ва дар замина иқдомоти зарурӣ сурат бигирад.
Манбаъ:http://khovar.tj
Нет комментариев