Воридшавии муждаҳои зафармандӣ аз ҷониби кишоварзони шаҳри Конибодом торафт зиёд мешавад.
Чанде қабл заркорони бригадаи №14-уми ҶС ба номи Э.Бойматова аз иҷрои нақшаи солонаи пахтасупорӣ мужда расониданд. Кишоварзони ин хоҷагӣ дар замини 43 га пунбадона кишт карда, дар нақша доштанд, ки 118 тонна дурри гаронбаҳо истеҳсол намоянд. Тавассути меҳнати аҳлона онҳо тавонистанд 119,8 тонна пахта чида, нақшаро 101% таъмин намуданд.
Ҳосили фаровони дар саҳробударо ба инобат гирифта, кишоварзон ӯҳдадор шуданд, ки боз 10 тонна пахта чида, ба хирман супоранд.
Дар ин бора аз хадамоти матбуоти Раиси вилояти Суғд хабар доданд.
Нет комментариев