Моҳи октябри соли равон Фестивали вилоятии «Атлас ва адраси тоҷик — 2015» гузаронида мешавад.
Дар ин бора қарори Раиси вилоят аз 22 сентябри соли 2015, №444 ба тасвиб расид.
Тавре дар низомномаи фестивал гуфта мешавад, он бо мақсади рушди соҳаи саноати сабук, аз ҷумла ривоҷу рақнақ бахшидан ба истеҳсоли матои атлас ва адраси дастибоф, тарғиби сару либос аз матоии табии аз ҷиҳати экологӣ безарар бо истифодаи услубҳои миллии дӯзандагӣ, рушди меҳнати хонагӣ, аз ҷумла гулдӯзӣ ва қуроқдӯзӣ, ки як навъ арҷгузорӣ ба анъанаҳои миллии бофандагӣ, фарҳанги либосдӯзии аҷдодӣ ба ҳисоб меравад ва баланд бардоштани завқи либоспӯшии миллӣ, зебоипарастӣ, ғанӣ намудани ҳаёти маънавии занону бонувон гузаронида мешавад.
Ба иштирокчиёни беҳтарини фестивал аз 1 000 то 10 000 сомонӣ мукофотпулиҳо дода мешавад.
Дар ин бора http://sugd.tj/index.php/tj/navidi-sugd/5367-festival хабар медиҳад.
Нет комментариев