Раиси яке аз ҷамоатҳои шаҳри Истаравшани вилояти Суғд бо суистифода аз ваколатҳои мансабӣ, 21 феврали соли 2020 аз шаҳрванд Ё.З. барои аз даъват ба хизмати ҳарбӣ озод кардани писари номбурда — Ё.Ш. бо роҳи фиреб маблағи 2500 доллари америкоӣ талаб намуда, онро дар се ҳолат гирифтааст.
Тавре АМИТ «Ховар» бо истинод ба маркази матбуоти Агентии назорати давлатии молиявӣ ва мубориза бо коррупсияи Ҷумҳурии Тоҷикистон хабар медиҳад, номбурда бо ин кирдори қасдонаи худ ба шаҳрванд Ё.З. зарари калони модӣ расонида, аз ҷониби мақомоти зикргардида бо ҷурми гирифтани пора айбдор дониста мешавад.
Оид ба ҳолати мазкур нисбат ба айбдоршаванда бо моддаи 247, қисми 3, банди «а»-и Кодекси ҷиноятии Ҷумҳурии Тоҷикистон парвандаи ҷиноятӣ оғоз карда шуда, корҳои тафтиши пешакии он идома дорад.
Манбаъ: АМИТ «Ховар»
Нет комментариев