Дар доираи Барномаи вилояти «Соли 2015 – идомаи соли роҳҳои обод» дар шаҳри Истаравшан 240 км роҳҳои ҳудуди шаҳр таъмир шудааст.
Чуноне аз мақомоти маҳаллӣ дар шаҳри Истаравшан хабар доданд, нақшаи навсозии роҳҳо дар ин шаҳр ба андозаи 103,2 фоиз таъмин шудааст. Ҳамин тариқ соли равон ба роҳсозони ин шаҳри бостонӣ имкон даст дод, ки 9,4 км роҳро пурра ва 140 километрро таъмири ҷорӣ намоянд. Дарозии роҳҳои шағалпӯшшуда ба бештар аз 90 км мерасад.
Барои таъмири 240 км роҳҳои Истаравшан аз ҳамаи сарчашмаҳо 4 миллиону 859,9 ҳазор сомонӣ маблағ масраф шудааст. Дар ин бора sugd.tj хабар медиҳад.
Нет комментариев