Бо фармонҳои Президенти Ҷумҳурии Тоҷикистон Эмомалӣ Раҳмон дар сохтори дипломатии кишвар тағйироти кадрӣ сурат гирифт. Ҳамин тариқ, Бобозода Ғуломҷон Ҷӯра аз вазифаи Сафири Фавқуллода ва Мухтори Ҷумҳурии Тоҷикистон дар Япония, Султонов Шӯҳрат Музафарович аз вазифаи Сафири Фавқуллода ва Мухтори Ҷумҳурии Тоҷикистон дар Украина, Холбобоев Файзулло Самадович аз вазифаи Намояндаи комилҳуқуқи Ҷумҳурии Тоҷикистон дар Комиссия оид ба масъалаҳои иқтисодии назди Шӯрои иқтисодии ИДМ, Намояндаии доимии Ҷумҳурии Тоҷикистон дар назди Иттиҳоди иқтисодии Евразия озод карда шуданд.
Ҳамчунин, бо фармонҳои Президенти кишвар Ҳамрохон Зарифӣ Сафири Фавқуллода ва Мухтори Ҷумҳурии Тоҷикистон дар Япония ва Холбобоев Файзулло Самадович Сафири Фавқуллода ва Мухтори Ҷумҳурии Тоҷикистон дар Украина таъин карда шуданд.
Дар ин бора khovar.tj хабар медиҳад.
Нет комментариев