Барои гузаронидани интихобот ба Маҷлиси вакилони халқи шаҳри Бӯстон 30 ҳавзаи ҳудудии интихобот ташкил карда шуд. Дар робита ба ин зимни иҷлосияи ғайринавбатии бисту якуми Маҷлиси вакилони халқи шаҳри Бӯстон, даъвати панҷум қарор қабул карда шуд.
Тавре аз Мақомоти иҷроияи ҳокимияти давлатии шаҳри Бӯстон ба хабарнигори АМИТ «Ховар» иттилоъ доданд, 11 декабр иҷлосияи ғайринавбатии бисту якуми Маҷлиси вакилони халқи шаҳри Бӯстон, даъвати панҷум бо садо додани Суруди миллии Ҷумҳурии Тоҷикистон доир гардид.
Сипас, тибқи масъалаҳои рӯзнома дар ҳайати 11 нафар мутахассисони соҳибтаҷриба комиссияи шаҳрии интихобот ба Маҷлиси вакилони халқи шаҳри Бӯстон, даъвати шашум ташкил карда шуд.
Ҳамзамон меъёри интихобкунандагон ба ҳисоби миёна барои як ҳавзаи интихобот 655 нафар интихобкунанда муқаррар гардид.
Ба масъулин дастур дода шуд, ки ҷиҳати таъмини иҷрои Фармони Президенти Ҷумҳурии Тоҷикистон «Дар бораи таъйин намудани интихоботи даъвати нави Маҷлиси Олии Ҷумҳурии Тоҷикистон ва маҷлисҳои маҳаллии вакилони халқ» аз 4 декабри соли 2019 корбарӣ карда шавад.
Манбаъ: АМИТ «Ховар»
Нет комментариев